Khayal.........

Dil se nikal kar sadayen bhi kuch baatein karti hain
Kuch raaste mein dum todti hain, kuch manzil par marti hain
kuch sapno mein raat bhar sone nahi deti aur kuch jagti aankhon se dikhai deti hain
Majboor hoon is soch mein, mann apna par soch parai hai

Apna shahar hi ab apna sa lagta nahi aajkal
Ya toh hum badle hain ya log alag hain
Koi dikhta nahi is bheed mein jise apna keh sako
har koi bas kahin bhagta lagta hain aajkal.

Tere mere beech mein bandhan nahi koi
Toh kyon teri oor khicha aata hoon main
Jab aaya tere nazdeek tujhe jaanne ke liye
khud ko aksar akela, bahut akela pata hoon main

zamana laakh koshish kar le par zamana hi rahega
Ab kuch toh kal kuch aur kahega
sab ki zuban ko chup karana nahi mumkin
Dil ki sunne par hi mera zor rahega

(C) 2008, Alok Sharma